युनिकोड
विनिमय दर
सुन चाँदि
राशिफल
मौसम
शेयर बजार
पात्रो
राजधानीको चिसोलाई चिर्दै भृकुटीमण्डपमा पार्टीको विशेष महाधिवेशन मार्फत परिवर्तनका लागि कांग्रेसमा उत्साह र उमंगका साथ निकै गर्माएको कुरा झापाबाट प्रतिनिधित्व गर्ने महासमिति सदस्य सुरेश सुब्बाले बताएका छन् ।
उनी भन्छन्, गीत–संगीत र आपसी भेटघाटले वातावरणलाई अत्यन्तै रमाइलो बनाएको छ ।
सहरका होटलदेखि पार्टी कार्यालयका आँगनसम्म कार्यकर्ताहरू समूह–समूहमा राजनीतिक बहसमा, चिया–कफीका कपसहित संवादमा व्यस्त छन् । खाने, बस्ने र छलफल गर्ने व्यवस्थाले पनि प्रतिनिधिहरूलाई सहज बनाएको छ । उनीहरू यस क्षणलाई ‘परिवर्तनको ऐतिहासिक अवसर’ का रूपमा अनुभूति गरिरहेका छन् ।
आइतबार अपराह्न ४ बजे मञ्चबाट गरिएको औपचारिक घोषणाअनुसार बहुमत सदस्य ५२ प्रतिशत महाधिवेशन प्रतिनिधिले नाम दर्ता गराइसकेका छन् । साँझ ७ बजेसम्म नेताहरुले बोल्ने क्रम चलेको थियो र विहान ८ बजेबाट बन्दसत्र सुरु हुने झापाबाट सहभागी भएका महासमिति सदस्य सुरेश सुब्बाले बताउ । उनका अनुसार सोमबार विहानसम्म ६० प्रतिशत बढी महाधिवेशन प्रतिनिधिहरुले हस्ताक्षर गर्नेे सम्भावना रहेको छ । उनका अनुसार विगतका महाधिवेशनमा लिइने रकम भन्दा अत्यन्तै न्युन एक हजार तिर्नुले नै परिवर्तनको महसुस गराईसकेको छ । त्यही एकहजारबाट सम्पूर्ण खर्च व्यवस्थापन हुने पनि उनले बताए ।
नेपाली कांग्रेसमा देशभर ४ हजार ७४३ महाधिवेशन प्रतिनिधि रहेका छन् । पार्टीको विधानअनुसार ४० प्रतिशत प्रतिनिधिले माग गरेमा विशेष महाधिवेशन बोलाउन सकिने प्रावधान छ, र अहिले ५४ प्रतिशत प्रतिनिधिले नै महाधिवेशनको माग गरेको दाबी गरिएको छ । यसले परिवर्तनपक्षधरहरू बहुमतनजिक पुगेको संकेत दिएको छ ।
विशेषतः झापाबाट ६५ प्रतिशतभन्दा बढी सहभागिता भएको जनाइएको छ । त्यहाँका महासमिति सदस्य सुरेश सुब्बाले भने, “सभापतिमा गगन थापाको विकल्प अहिले छैन, र कांग्रेसभित्र नयाँ पुस्ताको नेतृत्व स्थापनाको चरण सुरु भइसकेको छ।”
नेता गोपालमान श्रेष्ठले पनि भने, “अब नेपाली कांग्रेसमा ब्याज खाने दिन सकिएको छ, अब काम गर्नेहरूको पालो हो ।”
खगेन्द्र कार्की
